emae050519
 
 
Foi onte, despois da estrea en Callobre hai sete días, a data elixida para presentar na Estrada os Contiños da Terra de D. Manuel García Barros. Unha peza escrita e dirixida por Santi Cortegoso na que participaron Chelo do Rejo, Fran Campos e Gonzalo Valcárcel e o acordeonista Juan Ruibal. Tras tres meses de ensaios, a unidade de produción da Escola Municipal de Artes Escénicas puido por fin estrear un espectáculo que gozou do beneplácito dun teatro ateigado de espectadores.
 
 
 
Unha proposta que aúna drama e comedia e que homenaxea á memoria e aos nosos maiores. Noraboa Santi, noraboa Chelo, noraboa Fran e Gonzalo! Grazas por emocionarnos e sentirnos orgullosos desta nosa benquerida escola de teatro!
 
 
 
 
 
 
 
 
Os alumnos do grupo xuvenil 2 da EMAE puxeron en escena onte, para o alumnado de 1º da ESO dos IES estradenses, a súa particular versión da Cincenta. Un espectáculo programado polo Centro de Información á Muller  e dirixido a sensibilizar aos cativos no tema da igualdade de xénero. A función resultou un éxito, polo que dende aquí queremos darlles a noraboa a todos os protagonistas: Noa, Alba, Saleta,  Alberte, Julián, Adrián, Uxía, Tegra, Carla, Carlota, Vanessa, Alicia, Laura, Cristina e Jesús. Grazas polo voso traballo e compromiso... sodes un exemplo a seguir!
 
emae2emae