Dende onte xoves e ata novo aviso, as actividades culturais e deportivas organizadas polo Concello da Estrada ou realizadas en dependencias municipais quedan canceladas con motivo do COVID-19.
Unha medida tomada atendendo ás restricións e recomendacións da Xunta de Galicia. Calquera modificación nestas medidas será comunicada ao seu debido tempo.
 
 
 
 
 
Nun ateigado Teatro Principal, o pasado venres día 6 as dúas escolas volvemos reestrear Os contiños da terra despois dunha exitosa visita a Portugal. Coma novidade, a presenza de oito cantareiras de Tequexetéldere (Belén, Lía, Nagore, Ángela, Isa, Adriana, Ainara e Nuria). Grazas a todas elas polo seu entusiasmo e talento e grazas tamén ao noso novo acordeonista Carlos da Silva. Este sábado máis. A troupé dos Contiños visita o auditorio de Cerdedo, unha terra moi querida por todos nós onde esperamos deixar o pavillón ben alto.