Nun ateigado Teatro Principal, o pasado venres día 6 as dúas escolas volvemos reestrear Os contiños da terra despois dunha exitosa visita a Portugal. Coma novidade, a presenza de oito cantareiras de Tequexetéldere (Belén, Lía, Nagore, Ángela, Isa, Adriana, Ainara e Nuria). Grazas a todas elas polo seu entusiasmo e talento e grazas tamén ao noso novo acordeonista Carlos da Silva. Este sábado máis. A troupé dos Contiños visita o auditorio de Cerdedo, unha terra moi querida por todos nós onde esperamos deixar o pavillón ben alto.

"A posta en escena da peza Contiños da Terra de Manuel García Barros por parte da Escola Municipal de Artes Escénicas (EMAE) da Estrada e Tequexetéldere que tivo lugar na noite do venres no Centro Cívico da Palmeira (Braga) -no marco da VI Semana Cultural de Convergências Portugal-Galiza- foi un rotundo éxito.

O público aplaude en pé a súa representación nas Convergências Portugal-Galiza de Braga"

 

* Nova do Faro de Vigo